DKFG.org كومه‌ڵه‌ی دوستایه‌تی كوردی ئه‌لمانی
Related Articles
نوسەر و بیرمەندی کورد ئەدیب چەلکی باسی ئالای کوردستان دەکات لە شاری دێسساو.
روژا شەمبی ۲۰۱۸/۱۲/۱٥ ب بەشداریا هەژمارەک رەوشەنبیر، چالاکڤان، سیاسەتمەدار و نوێنەرێن یەکێتیا ئافرەتان و کومەلە و سازیێن رەڤەندا کورد ل هەرێمێن بەرلین و ساکسن ـ ئانهالت د سالونا کومەلەیا کوردی ـ ئەلمانی ل دێسساو سەمینارەکە بەرفرە بو نوسەر و بیرمەندێ کورد هەلبەستڤان ئەدیب چەلکی لدور دروستبون و دیروک و بریارا پەرلەمانێ کوردستانێ بو ئالا و روژا ئالا هات پێشکێشکرن.
د سمینارێ دا کەسایەتیێن وەکوبەرێزانسیاتەمەدار فەوزی ئەسعەد، بەهجەت مەسیفی، سلێمان کامل رەش، سیپان رەش، خالد نیال، رەمزی حاجی کومەلەیا کوردی ـ ئەلمانی دێسساو، رائیفە سلێمان بەرپرسا ڕێكخراوا ئافرەتێن باژارێ دێسساو، تەلار گولانی ئەنداما رێڤەبەر یا کومەلەیا زوزک، هاوژین ئەنوەر خۆشناو بەرپرسا ئافرەتێن باژارێ لایپزیك و جێگرا سەروکا کومەلەیا دوستایەتیا کورد و ئەلمان خاتون سروە عارف بەشداری سمینارێ بون.
هێژایی گوتنێ یە چەلکی ب درێژایی لسەر دیروکا دروستبونا ئالا و پاراستنا وێ ژ سەردەمێ شورەشا ئاگری، کومەلەیا خویبون و کومارا کوردستان مهابادێ و رادەستکرنا ئالا ژ پێشەوایێ گەل نەمر قازی محەمەد و رێبەرێ روحی نەمر موستەفا بارزانی و بریارا پەرلهمانێ کوردستانێ کر.
پشتی گەنگەشە و پرس و بەرسڤ ناڤبەرا بەرێز چەلکی و ئامادەبویان، سەمینار ب پێشکێشکرنا خەلاتەکێ رێزگرتنێ ژلایێ سیاسەتمەدارێ کورد فەوزی ئەسعەد بو نوسەر و بیرمەندێ ناڤدار ئەدیب چەلکی بداوی هات.
ئەدیب چەلکی ـ فەوزی ئەسعەد ـ بەهجەت مەسیفی
راگەهاندنا کومەلەیا دوستایەتیا کورد ئەلمان ـ بەرلین
