DKFG.org كومه‌ڵه‌ی دوستایه‌تی كوردی ئه‌لمانی
Related Articles
روژنامەڤان و نڤیسەر رەقیب مەحمود سەروکێ رێکخراوا نوتر ل کوردستانێ مێڤانێ کومەلەیا مە بو ل بەرلین بو پێشکێشکرنا سەمینارەکێ لسەر زمانێ دایکێ د سەردەمێ تەکنولوژیا دا.
باری مەحمود جێگرێ سەروکا کومەلێ سەمینار برێڤەدبر، د؟دەستپێکێ دا یەک خولەک بێدەنگ راوەستیان لسەر جانێ جانگوریێن ئازادیێ، ژلایێ دکتوری ڤە بخێرهاتنا هەموو مێڤانان کر و سەمینار دا ڤەکرن.
رەقیب مەحمود بو دەما یەک دەمژمێر ب تێروتەسەلی لسەر رەوش و پێشڤەچون و ئاستەنگیێن د رێیا زمان دە ئاخڤی و دا دیار کرن کو بەردەوام زمانێن بیانی ژناڤ دچن، داخواز ژ ئەکادیمیسون و زمانزانێن کورد کر کو گرنگیێ ب زمانێ رەسەنێ کوردی بدەن و ب پارێزن داکو ژناڤ نەچیت، ژبەرکو زمان هەبون و رەسەنیا هەر مللەت و نەتەوەیەکی یە.
داویا ئاخافتنێن سەمینارگێری، دکتور باری چەندین پرسیار لسەر بابەتی ئاراستەی نڤیسکار رەقیب مەحمود کرن، پشتی بەرسڤان، دەلیڤە دا ئامادەبویێن سەمینارێ بو گەنگەشە و پرسیار کرنێ، گەنگەشەیەکا ڤەکری لسەر بابەتی یا پری گرنگ و لێکگوهرینا زانیارین دروست بو.
هێژایی گوتنێ یە کەسایەتیێن کورد بەشداربون مینا پارێزەر ئەحمەد روستەم، دکتور موستەفا کوبانی، روژنامەڤان شەوقی کانەبی، روژنامەڤان خالد عەلی، روژنامەڤان رەنج پشدەری، روژنامەڤان ئەفسەر سەرحانئوغلو، روژنامەڤان خەلات موراد، ئەنوەر ئەتروشی، ئەیاد باجلوری، ادریس سلێڤانی، دلێر باجلوری، کەیخوسرەو بوزان و فایق ئەمینی.
بناڤێ کومەلەیا دوستانیا کورد و ئەلمان سپاس بو روژنامەڤان و نڤیسکار رەقیب مەحمود بو زەحمەت و ماندیبونا وی بو گێرانا سەمینارێ
هەروەسا سپاس بو شارەوانیا تیرگارتن و سپاس بو کەنالێ کوردستان تیڤی بەشەک ژ سەمینارێ راستەوخو ڤەگوهاست، سپاس بو گوڤارا شەماموک، کانی سێکوریتی، هەموو بەشداربویان و تایبەت ئەندامێن کومەلێ یێن بەشدار کاک سلێڤانی، جازیا شاهین و ئەحمەد محیەدین.
ڤیدیو: سەمیناری روژنامەڤان رەقیب مەحمود سەروکی رێکخراوی نوتر
semînara rojnamevan Reqîb Mehmûd serokê rêkxirawa NOTR
ڤیدیو: روژنامەڤان رەنج پشدەری
ئارمانج عەگید نێروەیی
راگەهاندنا کومەلێ
22.02.2019 Berlîn
