DKFG.org كومه‌ڵه‌ی دوستایه‌تی كوردی ئه‌لمانی
Related Articles
شاندەکێ کۆمەلا دوستانیا کورد و ئەلمان بفەرمی بەشداری د کونگرەیا پێنجێ یا چینا ناڤین یا کارساز و پیشەسازیا بەرلین یا سی دی ئو کر.
کونگرە ل ئاڤاهیا مێرسێدس بێنز ل بەرلین ب ئامادەبونا هەژمارەکە زور ژ سیاسەتمەدار و کەسایەتی، شارەزا و بسپور و کارساز و کومپانیێن ئەلمانی یێن بەرلینێ ب رێڤەچو.
ئارمانج عەگید نێروەیی بەرپرسێ راگەهاندنا کومەلێ لسەر داخوازەکا فەرمی بەشداری د کونگرەیی دا کر، ب گەرمی ژلایێ سیاسەتمەدار کریستیان گرێف سەروکێ کونگرەی ڤە بخێرهاتن لێکر.
دەستپێکێ سەروکێ کونگرە و پشترە ئاخفتنڤانان پەیڤێن خوە پێشکێشکرن، پاشان پانێل هاتنە دەستپێکرن هەموو ژی لسەر پێشخستن و باشترکرنا رێیێن هاتن و چون، ئاڤاهیان و کێشەیێن ئاکنجیبونێ و بابەتێن گرێدایی هەرێمێن بەرلین و براندنبورگ بون.
ژبو دروستکرنا پەیوەندیان ناڤبەرا کومەلا مە و کومپانی، کەسایەتی، بازرگان و سیاسەتڤانێن ئەلمان، شاندێ کومەلێ چەندین کورتە هەڤدیتن پێکـئینان.
هێژایی گوتنێ یە، کونگرە بو دەما یەک روژ بەردەوام بو.
راگەهاندنا کومەلێ
27.02.2019 Berlin
